You are viewing this site in a reduced format. There are many reasons for this including: Using an older browser, browsing from a device such as a mobile phone, pda, browsing with styles disabled. Please note that the site is still functional although most visual enhancements are disabled.
Business Services Web Site
Business Service Team Training Application
Gwasanaethau Busnes
Dysgu gyda’r Gwasanaeth Dysgu Gydol Oes
Oherwydd y profiad helaeth sydd gan oedolion ym mhob agwedd ar eu bywyd, rydym wedi datblygu diwylliant sy’n cefnogi ymagwedd hyrwyddol i ddysgu.
Bydd pob aelod o’r staff tiwtorial yn gyfrifol am ddewis y strategaethau addysgu perthnasol. Sut bynnag, bydd pob dull addysgu a hyfforddi a ddefnyddir yn anelu at ddefnyddio profiad a barn yr oedolion sy’n dysgu. Mae’r tiwtoriaid yn darparu cyfleoedd i gydweithio mewn parau neu grwpiau bach lle mae dysgwyr yn gallu archwilio a datblygu syniadau.
Prif nod y Tîm Gwasanaethau Busnes yw creu cyd-destun i ddysgu sy’n diwallu anghenion penodol yr oedolion sy’n dysgu. Er mwyn cyflawni’n nodau, anogir dysgwyr i:
- Ddatblygu eu sgiliau cyfathrebu drwy ymateb i bwyntiau neu faterion yn uniongyrchol neu drwy weithio mewn grwpiau.
- Datblygu eu sgiliau datrys problemau drwy weithgareddau grwp, chwarae rôl ac astudiaethau achos.
- Nodi cyfleoedd i roi dysgu ar waith. Myfyrio ar yr addysgu a sut mae’n cael ei gymhwyso.
Bydd rhai rhaglenni’n cynnwys y dysgwr mewn dysgu agored. Yn ystod y cyfnod hwn, bydd dysgwyr yn cymryd rhan mewn gweithgareddau dysgu agored lleol gan ddefnyddio amrywiaeth o ddulliau cyfathrebu fel y ffôn a’r e-bost.
Anogir grwpiau o ddysgwyr sy’n dilyn y modd hwn o astudio i gwrdd o dro i dro. Bydd hyn yn hybu ysgogiad unigol ac yn gwella athroniaeth yr oedolyn a’r grŵp a hyrwyddir gennym yn y Gwasanaeth Dysgu Gydol Oes. Hefyd, rydym yn gobeithio y bydd dysgwyr yn mwynhau eu profiad dysgu gyda’r Gwasanaeth Dysgu Gydol Oes ac yn gorffen eu hastudiaethau gyda mwy o wybodaeth am eu testun a’r broses ddysgu ei hunan.
Er mwyn hyrwyddo a datblygu’r athroniaeth hon sy’n canolbwyntio ar y dysgwr, rydym yn disgwyl i chi:
- Fynychu’r sesiynau hyfforddi a chefnogi sydd wedi’u trefnu
- Bod yn brydlon ar gyfer apwyntiadau a sesiynau hyfforddi
- Cwrdd â’r terfynau amser y cytunwyd arnynt neu roi gwybod i Dîm y Rhaglen ar unwaith os na fydd hyn yn bosibl
- Bod yn gyfrifol am eich dysgu eich hunan
- Cwblhau’r rhaglen ddysgu/asesu
- Cwblhau dogfennau priodol y Corff Dyfarnu a’r Gwasanaeth Dysgu Gydol Oes
- Cymryd cyfrifoldeb am ariannu’r rhaglen ddysgu/asesu
- Cwblhau unrhyw aseiniadau, prosiectau neu dystiolaeth bortffolio erbyn y targedau y cytunwyd arnynt
- Rhoi rhagor o ymdrech i mewn i hunanddatblygiad
- Hysbysu’r Tîm Rhaglenni am unrhyw broblemau neu anawsterau cyn gynted ag y maent yn codi
- Darparu deunydd ysgrifennu/adnoddau priodol i gwblhau rhaglen ddysgu ac asesu
- Cyflwyno gwaith sy’n glir, yn benodol, yn ddarllenadwy ac yn briodol ar gyfer lefel y dyfarniad
- Cadw portffolios/prosiectau/aseiniadau am leiafswm o dair blynedd ar ôl gorffen y rhaglen er mwyn i ni eu hail-archwilio
A byddwn yn sicrhau ein bod yn:
- Eich annog a rhoi cyngor i chi
- Eich hysbysu a’ch helpu i ganolbwyntio ar wneud cynnydd. Rhoi adborth adeiladol ar bob cyfle.
- Bod mor hyblyg ag y mae adnoddau yn caniatáu, wrth weinyddu’r rhaglen
- Trefnu sesiynau hyfforddi i fod mor gyfleus â phosibl
- Trefnu sesiynau hyfforddi’n unol â’r wybodaeth a’r ddealltwriaeth a amlinellir ym maes llafur y cwrs neu safonau cenedlaethol
- Trefnu staff priodol i ddarparu’r rhaglenni
- Cynhyrchu rhaglenni hyfforddi o ansawdd da
- Datblygu perthnasau gwaith cadarnhaol gydag eraill y gellir effeithio arnynt gan gwblhau’r rhaglen ddysgu/asesu
- Protect and secure all confidential information from unauthorised access
- Diogelu’r holl wybodaeth gyfrinachol rhag cael ei hygyrchu heb awdurdod
- Sicrhau bod yr holl wybodaeth yn gywir ac yn ddiweddar
- Cwblhau holl ddogfennau priodol y Corff Dyfarnu a’r Gwasanaeth Dysgu Gydol Oes
- Cwrdd â’r terfynau amser y cytunwyd arnynt neu’ch hysbysu’n brydlon os na fydd hyn yn bosibl
- Bod yn brydlon ar gyfer Sesiynau Hyfforddi ac apwyntiadau
© 2004 Canolfan Technoleg Gwybodaeth